पीडितको आँसु, न्यायको प्रतिवद्धता — एन पि साउदको वाचा

कञ्चनपुर –कञ्चनपुरको माटोमा अझै पनि केही परिवारका पीडा दबिएका छन् — घर गुमेको सम्झना, खेतबारी छुटेको पीर, र भविष्यको अन्योल। शुक्लाफाँटा राष्ट्रिय निकुञ्ज विस्तारसँगै विस्थापित भएका आरक्ष पीडितहरूको घाउ अझै पुरिएको छैन।

त्यही घाउमा मल्हम लगाउने प्रयास स्वरूप प्रतिनिधिसभाबाट वन ऐन संशोधन अघि बढाइएको थियो। प्रक्रिया राष्ट्रिय सभासम्म पुगेको थियो, कार्यान्वयनको संघारमै थियो। तर राजनीतिक उतारचढाव, संसद र सरकार विघटनका कारण त्यो आशा अधुरै रोकियो।
प्रतिनिधिसभा सदस्यका उम्मेदवार एन पि साउद ले भावुक हुँदै भन्नुभएको छ:

“आरक्ष पीडितका आँसु सुक्नुपर्छ। उनीहरूको न्याय अधुरो रहनु हुँदैन। म फेरि संसद पुगेँ भने त्यो रोकिएको कानुनी प्रक्रिया अघि बढाउनेछु। पुनर्स्थापना, उचित क्षतिपूर्ति र सम्मानजनक जीवन सुनिश्चित गर्न मेरो संघर्ष निरन्तर रहनेछ।”

ढल्किँदो साँझमा टुकी बालेर बस्ने ती परिवारका लागि न्याय केवल कागजको शब्द होइन — त्यो उनीहरूको अस्तित्वको प्रश्न हो।
आज कञ्चनपुर–२ मा जनताको बीचमा पुग्दा धेरै आमाबुबाको एउटै आग्रह सुनिन्छ — “हाम्रो मुद्दा बिर्सनुहुन्न।”
एन पि साउदले त्यही विश्वासलाई आफ्नो जिम्मेवारी ठानेका छन्। पीडितको न्याय, सम्मान र सुरक्षित भविष्यका लागि — दृढ प्रतिबद्धता।