उम्मेदवार प्रदिप चौधरी र प्रदेश उपाध्यक्ष शंकर सिंहबीच औपचारिक भेट, भौतिक तथा नैतिक सहयोग गर्ने सहमति

कैलाली — कैलाली क्षेत्र नम्बर १ मा चुनावी माहोल तातेका बेला उम्मेदवार प्रदिप चौधरी र सुदूरपश्चिम प्रदेश उपाध्यक्ष शंकर सिंहबीच औपचारिक भेटवार्ता सम्पन्न भएको छ।
भेटका क्रममा क्षेत्रको समग्र राजनीतिक अवस्था, चुनावी रणनीति, संगठन सुदृढीकरण, घरदैलो अभियान तथा कार्यकर्ता परिचालनका विषयमा विस्तृत छलफल भएको बताइएको छ।
उपाध्यक्ष सिंहले उम्मेदवार चौधरीलाई आगामी निर्वाचनमा भौतिक तथा नैतिक सहयोग गर्ने स्पष्ट प्रतिबद्धता व्यक्त गर्दै सबै तहका नेता–कार्यकर्तालाई एकताबद्ध भएर अभियानमा जुट्न आह्वान गरेका छन्। उनले संगठनभित्रको समन्वय र सक्रियताले नै विजय सुनिश्चित हुने विश्वास व्यक्त गरे।
उम्मेदवार चौधरीले प्रदेश तहबाट प्राप्त साथ र समर्थनले अभियानलाई थप ऊर्जा मिलेको उल्लेख गर्दै जनताका मुद्दा, विकासका योजना र क्षेत्रीय आवश्यकतालाई प्राथमिकतामा राखेर अघि बढ्ने धारणा राखे।
स्थानीय राजनीतिक वृत्तमा दुवै नेताबीचको सकारात्मक समन्वयलाई चुनावी मैदानमा महत्वपूर्ण सन्देशका रूपमा हेरिएको छ। कार्यकर्ता पंक्तिमा उत्साह थपिएको र अभियान अझ सशक्त रूपमा अगाडि बढ्ने अपेक्षा गरिएको छ।

Post Views: 55