कञ्चनपुर — नेपाली कांग्रेसका वरिष्ठ नेता तथा पूर्व प्रतिनिधिसभा सदस्य नारायण प्रसाद (एन.पी.) साउद कञ्चनपुर क्षेत्र नम्बर २ का जनताका लागि केवल नेता मात्र होइनन्, भरोसा र आशाको प्रतीक पनि हुन्। आगामी निर्वाचनमा पनि उहाँ बलियो दाबेदारका रूपमा देखिनुभएको छ।
दशकौँदेखि राष्ट्रिय राजनीतिमा सक्रिय साउदले जनताको पीडा, समस्या र सपनालाई नजिकबाट बुझ्दै आएका छन्। गाउँ–टोलदेखि राजधानीसम्म उहाँले जनताका आवाज संसदमा उठाउँदै, विकासका योजना अघि बढाउँदै र आफ्नो क्षेत्रलाई प्राथमिकतामा राख्दै निरन्तर काम गर्नुभएको छ। यही कारण उहाँ कञ्चनपुरका जनताका लागि ‘आफ्नो नेता’ को रूपमा चिनिनुहुन्छ।
सडक, पुल, विद्यालय, स्वास्थ्य सेवा र अन्य पूर्वाधार विकासदेखि नागरिकका हक–अधिकारका मुद्दासम्म साउदले निरन्तर संघर्ष गर्दै आएका छन्। जनतासँगको प्रत्यक्ष सम्बन्ध, सरल व्यवहार र अनुभवी नेतृत्वका कारण उहाँप्रति गहिरो विश्वास र सम्मान कायम रहेको स्थानीयवासीहरू बताउँछन्।
नयाँ पार्टी र युवा उम्मेदवारहरूको चुनौतीबीच पनि जनताले अनुभवी नेतृत्वको आवश्यकता महसुस गरिरहेका छन्। परिवर्तनको चाहनासँगै स्थायित्व, मार्गदर्शन र भरोसायोग्य नेतृत्वको खोजीमा कञ्चनपुर–२ का मतदाताले साउदलाई फेरि एकपटक भरोसाको केन्द्रमा राखिरहेका छन्।
अनुभव, संगठनको शक्ति र जनतासँगको भावनात्मक सम्बन्धका कारण एन.पी. साउद कञ्चनपुर–२ मा अझै पनि जनताको आशा र राजनीतिक भरोसाको प्रमुख पात्रका रूपमा देखिएका छन्।
Leave a Reply