ललितपुर — गैरआवासीय नेपाली संघ (एनआरएनए)को इतिहासमा शनिबार ललितपुरस्थित होटल हिमालयमा सम्पन्न भएको एक कार्यक्रमलाई सहभागीहरूले स्मरणीय र ऐतिहासिक क्षणका रूपमा लिएका छन्। सर्वोच्च अदालतको आदेशअनुसार गठन भएको उच्चस्तरीय समितिले नगद र जिन्सी सम्पत्ति एनआरएनए आईसीसीका आधिकारिक अध्यक्ष महेश कुमार श्रेष्ठको नेतृत्वमा रहेको कार्यसमितिलाई हस्तान्तरण गर्दा भावुक दृश्य सिर्जना भएको थियो।
कार्यक्रमको अध्यक्षता डा. शेष घलेले गर्नुभएको थियो भने सञ्चालन जानकी गुरुङले गरिन्। कार्यक्रममा उपस्थित नभएका दर्जनौँ प्रभावशाली एनआरएनए नेताहरूले Zoom मार्फत मन्तव्य राख्दै पारदर्शी हस्तान्तरणको यो क्षणलाई ऐतिहासिक भने।
ऐतिहासिक हस्तान्तरण
कार्यक्रममा ८३ लाख ६२ हजार २२८ रुपैयाँको चेक, ल्यापटपसहितका विभिन्न जिन्सी सामग्रीहरू औपचारिक रूपमा हस्तान्तरण गरियो।यो प्रक्रिया पूर्व अध्यक्ष एवम् उच्चस्तरीय समितिका जिम्मेवार सदस्य कुल आचार्यको हातमार्फत सम्पन्न भएको थियो।
आचार्यले गर्वका साथ भने :“आजको दिन मेरो जीवनकै स्मरणीय दिन हो। ८३ लाख रुपैयाँ र सम्पूर्ण सम्पत्ति पारदर्शी तरिकाले आधिकारिक अध्यक्ष महेश श्रेष्ठको टिमलाई हस्तान्तरण गर्न पाउँदा म गर्वित छु।”
कुल आचार्यको भावुक भाषण : आँशु झर्ने क्षण
कुल आचार्यले आफ्नो मन्तव्यमा कार्यक्रमलाई इतिहासको सुनौलो पृष्ठ भन्दै विभिन्न संवेदनशील र हृदयस्पर्शी प्रसंगहरू प्रस्तुत गरे :
- दुखद अनुभव पनि ऐतिहासिक :
“कुर्सी यताउता गर्दा मेरो दाहिने खुट्टाको साइली आउला फुटेको थियो। तर मैले ‘एइया’ पनि नभनी समितिको जिम्मेवारीलाई निरन्तर अघि बढाएँ। यो जिम्मेवारीप्रति मेरो समर्पणको प्रमाण हो।”
- पारदर्शिताप्रति दृढता :
“हामीले डेलिगेटहरू सबैलाई ओपन गर्यौं। सम्पूर्ण प्रक्रिया नङ–देखि–टाउकोसम्म पारदर्शी छ।”
- अघिल्लो चुनाव स्मरण :
उनले २०१९ मा ६५ देशमा भएको चुनावलाई स्मरण गर्दै भने —
“५१ देशका अध्यक्षहरूले मलाई अध्यक्ष बनाउन आग्रह गरेका थिए। तर म पदभन्दा संस्थाको हितलाई ठूलो मानेँ।”
- महेश श्रेष्ठ नै आधिकारिक अध्यक्ष :
“आजको आधिकारिक अध्यक्ष महेश श्रेष्ठ नै हुनुहुन्छ। यसमा कुनै भ्रम नरहोस्।”
सर्वोच्च आदेशको सम्मान
कुल आचार्यले स्पष्ट शब्दमा भने :“हाम्रो उच्चस्तरीय समितिले सर्वोच्च अदालतको आदेशलाई अक्षरशः पालना गरेको हो। अदालतले विवाद अन्त्य गर भन्नुभयो, हामीले त्यही गर्यौं।”
सामाजिक सुरक्षा कोषबारे कडा प्रश्न
कार्यक्रममै आचार्यले नेपाल सरकारप्रति तीव्र कटाक्ष गर्दै भने :“आज सामाजिक सुरक्षा कोषमा १ खर्ब २० अर्ब रुपैयाँ थन्किएर बसेको छ। यो पैसा बैंकमै थन्काएर राख्ने होइन, सदुपयोग गर्नुपर्छ।”
उनले थपे :
- “यो पैसाले लगानी गरौं।”
- “रोजगारी सिर्जना गरौं।”
- “युवापलायन रोकौं।”
- “विदेशमा पसिना बगाउने नेपालीहरूलाई पनि समेटौं।”
उनको यो शब्दमा उपस्थितहरू तालिको गडगडाहटले भरिए।
धन्यवाद र आह्वान
कुल आचार्यले विशेष धन्यवाद दिए :
- डा. शेष घले र उनको निष्पक्ष नेतृत्वलाई,
- महेश श्रेष्ठ टिमलाई जिम्मेवारी स्वीकार गरेकोमा,
- पत्रकारहरूलाई सत्य उजागर गरेकोमा,
- Zoom मार्फत जोडिएका सबै एनआरएनए नेताहरूलाई।
समापनमा उनले आँशु रोक्दै भने :“नागरिकता पाएँ, तर त्यसले खासै उपयोग गरेन। तर मातृभूमिका लागि केही गर्ने संकल्प कहिल्यै मरेको छैन। अब त्याग गरौं, एकताबद्ध भएर नेपालको हितका लागि जुटौं।”
ऐतिहासिक सन्देश
यस कार्यक्रममा प्रस्तुत कुल आचार्यको भावुक र प्रेरणादायी भाषणले सहभागी मात्र होइन, सम्पूर्ण एनआरएनए समुदायलाई एकताको सन्देश दिएको छ। सहभागीहरूले यसलाई एनआरएनएको इतिहासमै सबैभन्दा पारदर्शी र जिम्मेवार हस्तान्तरणको क्षण भन्दै प्रशंसा गरेका छन्।यो दिनलाई इतिहासले “कुल आचार्यको पारदर्शिता, समर्पण र भावुक राष्ट्रभक्तिको दिन” भनेर सम्झिरहने विश्वास गरिएको छ।
