काठमाडौं ।
समाजमा कतिपय मानिसहरू न त राजनीतिज्ञ हुन्छन्, न त चर्चित सेलिब्रिटी। तर आफ्नो काम, इमान्दारिता र सहयोगी भावनाले सबैको नजरमा विशिष्ट स्थान बनाउन सफल हुन्छन्। यस्तै प्रेरणादायी नाम हुन् — यम तमु।
सालिन र भद्र स्वभावका धनी यम तमु समाजसेवामा निरन्तर सक्रिय रहँदै आएका छन्। उनी दुखी र गरिब मानिसको पीडा बुझ्छन्, सहयोगका लागि कहिल्यै पछि हट्दैनन्। धेरैले उनलाई “दुःखीहरुको भगवानको दोस्रो स्वरुप” भन्दै सम्मान गर्ने गर्छन्।
कामको सिलसिलामा यम तमु केही वर्षअघि साउदी अरब पुगेका थिए। प्रारम्भिक दिनहरूमा उनले आफैंले प्रवासमा कठिनाइ भोगे। तर संघर्षलाई अवसरमा बदल्दै उनले मेहनत, लगनशीलता र सकारात्मक सोचका साथ व्यवसायिक क्षेत्रमा पाइला अघि बढाए।
आज उनी साउदी अरबमा बस्ने हजारौं नेपाली युवाहरूको आशाको दियो बनेका छन्। यम तमुले प्रवासमा नै कयौं नेपाली युवालाई रोजगारी दिलाउँदै उनीहरूलाई आत्मनिर्भर बन्ने बाटो खोलेका छन्। विशेष गरी, उनले आफ्नै लगानीमा सुरु गरेका दुईवटा “लालिगुराँस रेस्टुरेन्ट ” मार्फत नेपाली युवालाई सुरक्षित रोजगारीको अवसर उपलब्ध गराएका छन्।
व्यवसायिक सफलता हासिल गर्दै गए पनि उनले समाजसेवाप्रतिको समर्पणलाई कहिल्यै भुल्दैनन्। आफ्ना काम र उपलब्धिहरूमार्फत उनले देखाएका उदाहरणहरूले विदेशमा मात्र होइन, स्वदेशमै पनि युवाहरूलाई प्रेरणा दिइरहेको छ।
यम तमुको कथाले स्पष्ट पार्छ — समाजसेवामा अगाडि बढ्न नेता वा सेलिब्रिटी बन्नु आवश्यक छैन। निस्वार्थ भावना, कठिन परिश्रम र सहयोगी मन भए मात्र पनि मान्छेले असंख्य हृदयमा स्थान बनाउन सक्छ।
Leave a Reply