काठमाडौँ/न्यूयोर्क – अमेरिकास्थित नेपाली समुदायका लागि विशेष महत्व बोकेको संवाद सम्पन्न भएको छ । पछिल्लो समय उठेका ताजा प्रश्नहरू र नेपाली डायस्पोराले भोगिरहेका चुनौतीहरूको सामना गर्दै एनआरएनए नेता, नेपाल–अमेरिका विज्ञ तथा समाजसेवी विजय चौधरीले आफ्ना विचार सार्वजनिक गर्नुभएको छ।
समाज, राजनीति र प्रवास जीवनका विविध विषयमा केन्द्रित यस संवादलाई चौधरीले अत्यन्त स्पष्ट र ठोस शैलीमा प्रस्तुत गर्नुभयो। अमेरिकामा बसोबास गर्ने नेपालीहरूलाई प्रत्यक्ष असर पर्ने शिक्षा, स्वास्थ्य, रोजगारी, कानुनी जटिलता र नेपाली पहिचान जोगाउने सवालमा उहाँले ठोस सुझावहरू दिनुभयो।
यो संवाद HB Tamrakar Official YouTube Channel मार्फत सार्वजनिक गरिएको हो, जुन सार्वजनिक भएपछि अमेरिकामात्र नभई विश्वभरका नेपालीहरूका बीचमा चर्चा भइरहेको छ।
चौधरीले उठाउनुभएको मुख्य बुँदाहरू :
- अमेरिकास्थित नेपालीहरूको कानुनी र आव्रजन समस्या समाधान गर्न सामूहिक पहल आवश्यक।
- शिक्षा र रोजगारीमा युवा पुस्तालाई अवसर दिलाउन एनआरएनएले मार्गदर्शक भूमिका खेल्नुपर्ने।
- समुदायलाई विभाजन गर्ने प्रवृत्ति अन्त्य गरी एकीकृत मञ्च निर्माण अनिवार्य।
- नेपाल र अमेरिकाबीच ज्ञान, सीप र लगानी प्रवाहलाई सहज बनाउन प्रवासी नेपालीले पुलको काम गर्नुपर्ने।
समाजसेवी चौधरीका अनुसार, “अमेरिकामा रहेका नेपालीले अब केवल आफ्ना व्यक्तिगत सफलतामात्र होइन, समुदायको साझा सफलतामा पनि जोड दिनुपर्छ। त्यसैले एनआरएनएलाई अझ सबल बनाउन सबैको सहभागिता अपरिहार्य छ।”
यो संवादलाई नेपाली समुदायले अत्यन्तै अर्थपूर्ण, समयसापेक्ष र प्रेरणादायी भन्दै प्रशंसा गरेको छ। धेरैले यसलाई अमेरिकामा हुनेहरुकै वास्तविक समस्या र समाधानमा केन्द्रित संवादको रूपमा लिएका छन्।
Leave a Reply