मिति: २०८२ जेष्ठ ७ गतेसमाचार
संखुवासभाबाट साहसिक यात्रामा निस्किएको एउटै परिवारका ५ जना सदस्यहरूले विश्वको पाँचौं अग्लो मकालु हिमाल (८,४८५ मि.) को सफल आरोहण गरेका छन्।
यो ऐतिहासिक उपलब्धिमा अगुवा पर्वतारोही Ang D Sherpa सहित उनको परिवारका अन्य चार सदस्यले संयुक्त रूपमा नेपालको राष्ट्रिय झण्डा बोकी मकालुको चुचुरोमा पाइला टेकेका हुन्। उनीहरूको यो टोलीले उच्च मनोबल, एकता र नेपाली पर्वतारोहण क्षमताको अद्वितीय उदाहरण पेश गरेको छ।
मकालु आरोहण नेपालमै मात्र नभई विश्व पर्वतारोहण क्षेत्रमै चुनौतीपूर्ण मानिन्छ। प्राविधिक कठिनाइ र कठोर मौसमबीच पनि एउटै परिवारका सबै सदस्यहरू सफलतापूर्वक चुचुरोमा पुग्न सक्नु गौरवको विषय हो।
उनीहरूको यो सफलता देशको लागि मात्र नभई सम्पूर्ण पर्वतारोहण क्षेत्रका लागि प्रेरणाको स्रोत बनेको छ। यो उपलब्धिका लागि देश-विदेशबाट शुभकामना र प्रशंसा व्यक्त भइरहेको छ।
“हामी सक्छौं” भन्ने नेपाली भावना बोकेर हिमाल चढ्ने यो परिवारलाई एस नेपाल न्युजको तर्फबाट हार्दिक बधाई र शुभकामना!
Leave a Reply