काठमाडौँ — लायन्स इन्टरनेशनल डिस्ट्रिक्ट ३२५ K (MD 325) नेपालले आउँदो भदौ १४ गते (शनिबार, ३० अगस्ट २०२५) राजधानीमा विशेष कार्यक्रमसहित क्याबिनेट अफिसर्स पदस्थापन तथा पहिलो क्याबिनेट बैठक आयोजना गर्ने भएको छ।
कार्यक्रम काठमाडौंको अनुपम फुडल्याण्ड, बत्तिसपुतलीमा हुनेछ। उक्त दिन नव–निर्वाचित पदाधिकारीहरूले आफ्नो जिम्मेवारी औपचारिक रूपमा सम्हाल्नेछन्। डिस्ट्रिक्ट ३२५ K को नेतृत्वमा यो कार्यक्रमलाई “Ideal Leadership” भन्ने मूल नारासहित आयोजना गर्न लागिएको हो।
कार्यक्रममा विभिन्न क्लबका पदाधिकारीहरू, लायन सदस्यहरू तथा शुभेच्छुकहरूको उपस्थितिलाई भव्य बनाउन तयारी तीव्र पारिएको आयोजकहरूले जनाएका छन्। यस अवसरमा लायन कृष्ण सिम्खडा (President, Himalayan Pride) ले पनि सक्रिय भूमिका निर्वाह गर्दै संस्थागत सुदृढता, सेवा कार्य र सामाजिक उत्तरदायित्वलाई प्राथमिकता दिने प्रतिबद्धता प्रकट गर्ने अपेक्षा गरिएको छ।
यो पदस्थापन कार्यक्रमलाई नयाँ कार्यकाल (२०२५/२६) का लागि लायन्स क्लबका नीति तथा योजनालाई कार्यान्वयनमा ल्याउने महत्वपूर्ण माइलस्टोनका रूपमा लिइएको छ।
Leave a Reply