सामाजिक न्याय र मानवियताको साँचो उदाहरण बनेका छन् नेपाली कांग्रेसका लोकप्रिय युवा नेता तथा संघीय सांसद डा. सुनिल शर्मा। सर्लाही जिल्लाको हरिपुर्वा नगरपालिका–५ निवासी अति गरिब यादव परिवारप्रति उनले देखाएको दयालुता र संवेदनशीलता आज सम्पूर्ण सर्लाहीवासीको आँखामा आँसु र हृदयमा श्रद्धाको रुपमा बसेको छ।
एक पीडादायी यथार्थ: शवसमेत लिएर जान नसक्ने अवस्था
हरिपुर्वा–५ की पविता यादवको जनकपुरस्थित मुस्कान अस्पतालमा पित्तथैलीको अपरेशनपछि स्वास्थ्य अवस्था गम्भीर भएपछि काठमाडौं मेडिकल कलेज (KMC) मा महिनौँसम्म भेन्टिलेटरमा राखेर उपचार गरियो। दुर्भाग्यवश, उनको केही दिनअघि निधन भयो। तर पीडित परिवारको आर्थिक अवस्था यति कमजोर थियो कि श्रीमतीको शवसमेत अस्पतालबाट निकाल्न असमर्थ थिए श्रीमान अंगेश यादव।
शोक, लाचारिपना र आर्थीक भारले झुकेको यो परिवारको कहानी सर्लाहीभरि गुञ्जियो। तर यति कठिन परिस्थितिमा कोही पनि साथ नदिएको बेला एउटा नाम फरक बन्यो — डा. सुनिल शर्मा।
१० लाख मिनाहा गरी शव अन्तिम संस्कारका लागि उपलब्ध
मधेश प्रदेशका श्रम तथा यातायात मन्त्री तथा सर्लाही–२ का सभापति माननीय कौशलकिशोर रायले सांसद डा. शर्मालाई व्यक्तिगत रुपमा गुहार गरे। र, सधैं जनताको पीडामा निहित डा. शर्माले पनि एक शब्द नबोलिकन तत्काल १० लाख रुपैयाँ मिनाहा गरी शव मृतकका श्रीमानलाई हस्तान्तरण गर्न KMC प्रशासनसँग मिलेर आवश्यक प्रक्रिया पूरा गरे। त्यसपछि मात्र मृत शरीरलाई अन्तिम संस्कारका लागि पठाउने व्यवस्था सम्भव भयो।
सिर्फ सहयोग होइन, संवेदना र अभिभावकत्वको परिचय
सांसद डा. शर्माको यस कार्यले यादव परिवारमा मात्र होइन, सम्पूर्ण सर्लाही जिल्लामा भावनात्मक लहर पैदा गर्यो। धेरैको मुखबाट एउटै वाक्य निस्कियो—
“उहाँ जस्तो नेता नै भगवान हुन्।”भावुक हुँदै मन्त्री कौशलकिशोर रायले भने:“आज हामी सर्लाहीवासीका लागि डा. सुनिल शर्मा भगवानसरह भएका छन्। यो दुःखद घडीमा गरिब र बेसाहारा परिवारलाई उहाँले जुन अभिभावकत्व देखाउनुभयो, त्यसप्रति म व्यक्तिगत रूपमा र सर्लाहीको तर्फबाट कोटि-कोटि धन्यवाद ज्ञापन गर्दछु। हामी सदैव ऋणी रहनेछौं।”
सांसद शर्मा: वेतन भत्ता नलिने, निःशुल्क सेवा दिने एक मात्र सांसद
डा. शर्माको विशिष्टता यति मात्रै होइन। उनी प्रतिनिधिसभाका एक मात्र सांसद हुन् जसले तलब–भत्ता अस्वीकार गरेका छन्। देशका ७७ वटै जिल्लामा उनका निःशुल्क स्वास्थ्य शिविरहरू चलिरहेका छन्।
त्यति मात्रै होइन—उपचार सम्भव नभएका बिरामीलाई उनी काठमाडौंबाट नोबेल मेडिकल कलेजसम्म ल्याई निःशुल्क उपचारको व्यवस्था मिलाउँछन्। यो क्रम दिन–प्रतिदिन बढिरहेको छ।
५० शय्याको निःशुल्क क्याबिन, सात स्थानमा एम्बुलेन्स
उनकै पहलमा नोबेल मेडिकल कलेजमा ५० शय्याको निःशुल्क क्याबिन स्थापना गरिएको छ। कुनै राजनीतिक पहिचान वा पार्टीको आधारमा नभई सिर्फ नेपाली हुनुको आधारमा सेवा दिने उनको दृष्टिकोण अत्यन्तै प्रशंसनीय छ।
हालै उनले मोरङको बेलबारीमा एम्बुलेन्स हस्तान्तरण गरेका छन्। निजी पहलमा देशका सात विभिन्न स्थानहरूमा एम्बुलेन्स सेवा उपलब्ध गराइसकेका छन्, जुन एउटा सांसदको औपचारिक भूमिकाभन्दा बाहिरको कार्य हो।
नेता होइनन्, संवेदनशील जनअभिभावक
डा. शर्माको जीवन, सोच र कार्यहरू हेर्दा प्रष्ट हुन्छ—उनी केवल नेता होइनन्, उनी नेताको परिभाषालाई पुनः लेख्न खोजिरहेका मानवीय अनुहार हुन्। पविता यादवको प्रकरणमा उनले जुन व्यवहार देखाए, त्यो शब्दहरूमा सीमित रहन सक्दैन।
साँच्चिकै, नेता भन्नु जनताको पीडा बुझ्ने, सहानुभूति देखाउने र समाधानमा उत्रने व्यक्तिलाई हो भने, डा. सुनिल शर्मा आजको नेपालका सबैभन्दा यथार्थ र जीवन्त उदाहरण हुन्।
उनको यो कार्यले एउटा सन्देश दिन्छ:“गरीबको शव गाड्नसमेत पैसा नभएर लाचार हुनुपर्ने देशमा, यदि डा. शर्माजस्ता नेताहरू भए, जनताको अभिभावकत्व सुनिश्चित हुन्छ।”
समाप्तिमा…
सर्लाहीको पविता यादव प्रकरण एउटा हृदयविदारक घटनाका रूपमा रेकर्ड हुनेछ, तर त्यसलाई संवेदनशीलता, आत्मीयता र जनताको मर्म बुझ्ने सांसदको अमर उदाहरण बनाउने काम डा. सुनिल शर्माले गरेका छन्।साँचो अर्थमा, ‘बेसहाराको सहारा’ बन्न सक्ने नेता नै जनताको प्रतिनिधि हो।र, आज सर्लाही भन्दैछ—“धन्य छौं हामी, जसको अभिभावकत्वमा डा. सुनिल शर्मा छन्।”
