काठमाडौं, जेठ ७ —समाजसेवी तथा युवा व्यवसायी प्रिन्स युवराज कार्कीले नेपाली सिने जगतका महानायक राजेश हमालको बहुप्रतिक्षित फिल्म *‘नरसिम्हा अवतार’*लाई **QFX सिनेमा चेनले दिएको ‘असहज शो समय’**प्रति सार्वजनिक असन्तोष प्रकट गरेका छन्।
उनका अनुसार हाल QFX ले दिएको शो समय बिहान ८ बजे, १० बजे र दिउँसो ३ बजे तथा ५ बजे मात्र रहेको छ, जुन समय कामकाजी वर्ग र विद्यार्थीहरूका लागि अनुपयुक्त रहेको उनी बताउँछन्।“न त कर्मचारीले हेर्न मिल्ने, न विद्यार्थीले। कम्तीमा एउटा शो बेलुकाको त दिनैपर्छ नि!”, कार्कीले सामाजिक सञ्जालमा लेखेका छन्।
‘दर्शक आतुर छन्, तर समय नमिल्दा निराश’
‘नरसिम्हा अवतार’ हेर्न देशभरका दर्शकहरू उत्साहित रहेको उल्लेख गर्दै कार्कीले बेलुका शो नभएकाले धेरै दर्शक हेर्नबाट वञ्चित हुने अवस्था आउन सक्ने खतरा औंल्याएका छन्।
उनले सम्बद्ध पक्षको ध्यानाकर्षण गराउँदै भनेका छन् —“महानायक राजेश हमालको कमब्याक फिल्म हो, यसले नेपाली फिल्म उद्योगलाई नयाँ उचाइ दिन सक्छ। यसलाई सही समयमा प्रदर्शनी गर्नुपर्छ।”
‘सही ट्र्याकमा ल्याउने मौका हो, गुमाउन हुँदैन’
नेपाली फिल्म उद्योगलाई नयाँ गति दिने बेला आएको उनको ठम्याइ छ।“नेपालि फिल्म लाइ सहि ट्र्याक मा ल्याउन अनि समग्र नेपाली फिल्म को उथ्थान को लागि पनि यो फिल्म सुपर हिट हुन जरुरि छ,” कार्कीले उल्लेख गरेका छन्।
QFX ले बेलुका शो किन नराखेको भन्ने प्रश्न उठ्दै
हाल QFX सिनेमा चेनले नरसिम्हा अवतारलाई किन बेलुकाको शो समय नदिएको भन्ने विषयमा दर्शक र विश्लेषकबीच प्रश्नहरू उठ्न थालेका छन्। कतिपयले यो निर्णयलाई हल सञ्चालकहरूको “होल्ड ओभर फिल्म” रणनीति वा विदेशी फिल्मलाई प्राथमिकता दिने चलनसँग पनि जोडेर हेरेका छन्।
फिल्म हेर्न सबैलाई अनुरोध
कार्कीले अन्त्यमा सबै नेपाली दर्शकलाई फिल्म हेर्न आह्वान गर्दै भनेका छन् —“यो फिल्म हेरेर मात्र होइन, नेपाली फिल्मप्रति समर्थन जनाऔं। आफ्नो पायक पर्ने स्थानमा गइ फिल्म हेर्न अनुरोध गर्दछु।”
