अमेरिकाको राजधानी क्षेत्र वासिङ्टन डिसी नजिकैको लिजबर्ग, भर्जिनियामा बस्दै आएकी सुनीता खत्री आज एनआरएनए अमेरिका (NRNA NCC USA) को केन्द्रीय महिला उपाध्यक्ष पदको उम्मेदवारी लिएर नेपाली समुदायको नेतृत्वमा एक नयाँ ऊर्जा, प्रतिबद्धता र सामाजिक समर्पण लिएर उभिनुभएको छ।
सुनीता खत्री केवल एउटा नाम मात्र होइन, यो नाम हो—दशकौंदेखि अमेरिकामा बसेर नेपाली समुदायको सेवा, समर्पण र सशक्तिकरणको प्रतिक बनेकी एक जीवन्त अभियानकर्ताको।
१. अनुभव र निरन्तरता – नेतृत्वलाई निरन्तरता दिन जरुरी छ
सुनीता खत्री विगत दशकदेखि एनआरएनए अभियानमा निरन्तर क्रियाशील छिन्।संस्थाको संरचना, प्रक्रिया र नीति निर्माणमा अनुभवसहित योगदान दिएकी नेतृलाई निरन्तरता दिनु संस्थाको सुदृढीकरण हो।
२. संस्थामा काम गरेर देखाएकी नेतृ – गफ होइन, नतिजा दिन सक्ने पात्र
२०२३–२०२५ कार्यकालमा महिला कोर्डिनेटरकोको जिम्मेवारी उत्कृष्ट रूपमा सम्हालिन्।नेतृत्व भनेको पदमा पुगेर बोल्ने होइन, काम गरेर बोल्ने हो।सुनीता खत्रीले त्यो प्रमाणित गरिसकेकी छन्।
३. महिलामाथिको विश्वास – सक्षम महिलालाई नेतृत्व दिने समय हो
एनआरएनए जस्तो ग्लोबल संस्था समावेशी हुन्छ भने मात्र बलियो हुन्छ।महिलाको प्रतिनिधित्व र नेतृत्वलाई बढावा दिन सुनीता खत्रीको जित जरुरी छ।यो परिवर्तन होइन, प्रगतिको संकेत हो।
४. नाफा होइन, सेवा भावना – सामाजिक समर्पणको नाम सुनीता खत्री
व्यवसायी भएर पनि सामाजिक सेवामा आफ्नो समय र ऊर्जा खर्चिनु
त्याग र मूल्य–मान्यताको उदाहरण हो।संस्थामा त्यस्ता पात्रको जित आवश्यक छ।
५. आत्मविश्वासी र सुसंस्कारी नेतृत्व – व्यवहारमा संयम, निर्णयमा स्पष्टता
सुनीता खत्रीले सधैं नम्र, मर्यादित र संयमित व्यवहार देखाएकी छन्।
विवादभन्दा समाधान खोज्ने स्वभावले संस्था शान्त, सन्तुलित र एकीकृत रहन्छ।
६. पेशागत क्षमता र संस्थागत समझ – दुवैको मेलमिलाप
उहाँसँग पेशागत परिपक्वता छ, संस्थागत अनुभव पनि।आर्थिक, सामाजिक र वैदेशिक सञ्जाल व्यवस्थापनमा उहाँको दृष्टि स्पष्ट छ।यस्तो संयोजन एनआरएनएलाई अन्तर्राष्ट्रिय स्तरमा स्थापित गर्न उपयोगी हुन्छ।
७. सबैको पहुँचमा – ‘Accessibility’ भएकी नेतृ
उहाँ नेतृत्वमा हुँदा हरेक सदस्य, महिला, युवा वा अग्रजहरू उहाँसँग सिधा सम्पर्क गर्न सक्थे।सुलभ र पहुँचयोग्य नेतृत्व एनआरएनएमा आजको आवश्यकता हो।
८. युवालाई साथ, अग्रजको सम्मान – सबै पुस्ताबीचको सेतु
सुनीता खत्री युवाको ऊर्जा र अग्रजको अनुभवलाई जोड्ने नेतृ हुन्।
उहाँ नेतृत्वमा आउँदा संस्था पुस्तान्तरण होइन, सहकार्यको बाटोमा अघि बढ्छ।
९. संस्थामा पारदर्शिता र जवाफदेही प्रणालीमा विश्वास
सुनीता खत्री नेतृत्वमा हुँदा कुनै निर्णय लुकाएर होइन, साझा संवादमार्फत लिइन्छ।नेतृत्वमा पारदर्शिता र जवाफदेहिता आवश्यक छ –उहाँले यी मूल्य व्यवहारमा उतार्न सक्ने नेतृ हुन्।
१०. मतदाताको मतको सम्मान – उहाँको पहिलो प्राथमिकता जनविश्वास हो
सुनीता खत्री भन्छिन् – “पद हैन, विश्वास जित्न चाहन्छु।”
यस्तो विनम्रता, इमानदारी र निष्ठा कम नेतृमा देखिन्छ।
त्यसैले अब निर्णय हृदयले होइन, विवेकले गर्ने बेला हो।
