अमेरिका, सन् २०२५ — “स्वतन्त्र विचार, सक्षम नेतृत्व; सबल संस्था, जिम्मेवार व्यक्तित्व।” यही नारा मात्र होइन, यो नीतिको मूर्त रूप हुन् सन्तोष पहरी – एक स्थापित समाजसेवी, एक कुशल संगठक, र गैरआवासीय नेपाली संघ (NRNA) NCC USA को वरिष्ठ उपाध्यक्ष पदका लागि अत्यन्त योग्य उम्मेदवार।
गैरआवासीय नेपालीहरूका हकहितका लागि समर्पित संस्था एनआरएनएले आगामी २०२५–२०२७ कार्यकालको लागि नयाँ नेतृत्व चयन गर्ने क्रममा सन्तोष पहरीको नाम अब अग्रपङ्क्तिमा छ। उहाँको उम्मेदवारी सामाजिक, संगठनात्मक र वैचारिक दृष्टिले सशक्तताको प्रतिक बनेको छ।
समाजसेवाको अडिग पहिचान
विगत धेरै वर्षदेखि अमेरिका बसोबास गर्दै आउनु भएका सन्तोष पहरी नेपाली समुदायबीच अत्यन्तै सम्मानित नाम हो। उहाँ नाफा नभइ निष्ठाको आधारमा प्रवासी नेपाली समाजमा क्रियाशील रहनुभएको छ। आपतबिपतमा अग्रपंक्तिमा पुगेर सहयोग गर्ने उहाँको शैलीले उहाँलाई “समाजसेवाको अडिग पहिचान” बनाएको छ।
चाहे क्यान्सर पीडितको लागि सहयोग अभियान होस्, चाहे बाढी–पहिरो पीडितको उद्धार कार्य; सन्तोष पहरी सधैं अगाडि देखिन्छन्, र कुनै स्वार्थबिना सेवा गर्छन्। समाजले उहाँमा एउटा भरोसायोग्य अभिभावक देखेको छ।
नेतृत्वको स्पष्ट दृष्टिकोण
सन्तोष पहरी कुनै एउटा क्षेत्रका मात्रै प्रतिनिधि होइनन्। उहाँ प्रवासी नेपाली समाजको विविधता र आवश्यकता बुझ्ने व्यक्ति हुनुहुन्छ। संगठनको जटिल संरचना र नीति–निर्माण प्रक्रियामा उहाँले देखाएको समझदारी अद्वितीय छ।
सङ्गठनलाई पारदर्शी, उत्तरदायी र सबै क्षेत्रलाई समेट्ने बनाउने उहाँको प्रतिबद्धता सशक्त नेतृत्वको परिचायक हो। “संस्था बलियो बनाउन नेतृत्व निःस्वार्थ हुनुपर्छ, संकल्पवान हुनुपर्छ, र सबैको आवाज सुन्ने संयमता हुनुपर्छ।” – यस्तै विश्वास बोकेका छन् पहरी।
NRNA को नयाँ युगको प्रवेशद्वार
सन्तोष पहरीको नेतृत्वमा NRNA NCC USA ले नयाँ युगको यात्रा गर्न सक्छ। नेपालीहरूको प्रतिनिधित्व विश्वभरि सशक्त रुपमा गराउने, युवाहरूलाई आकर्षित गर्ने, महिला सहभागिता सुनिश्चित गर्ने र सामाजिक उत्तरदायित्वको कार्यभार बहन गर्ने कुरामा उहाँ प्रतिबद्ध हुनुहुन्छ।
उहाँको भनाइ अनुसार –
“NRNA को नेतृत्व कुनै पदको होइन, सेवाको अवसर हो।”
बढ्दो लोकप्रियता र व्यापक समर्थन
सामाजिक सञ्जालदेखि अमेरिका भरिका स्टेट कम्युनिटीहरूमा सन्तोष पहरीको नाम लहरिँदैछ। स्वतन्त्र विचारधारा भएका, दलगत संकीर्णता भन्दा माथि उठ्ने, व्यावहारिक सोच राख्ने नेताको रूपमा उहाँप्रति विश्वास बढ्दो छ। अमेरिका भरिका थुप्रै राज्यहरूमा भएका अन्तर्क्रियामा उहाँको कार्यक्रमहरूले समुदायको मन जितेको छ।
चुनाव मिति नजिकिंदै गर्दा…
एनआरएनए NCC USA को निर्वाचन आगामी अगस्ट १६ र १७, २०२५ मा हुँदैछ। यही निर्वाचनमा सन्तोष पहरीको उम्मेदवारीलाई विजयी बनाउनुको अर्थ हो – सामाजिक न्याय, सक्षम नेतृत्व र समावेशी दृष्टिकोणलाई संस्थागत गर्नु।
सन्देश: यो केवल उम्मेदवारी होइन, एक अभियान हो!
सन्तोष पहरीले वरिष्ठ उपाध्यक्ष पदमा उम्मेदवारी दिएर केवल पदको लागि होड गरेनन्, उहाँले नयाँ नेतृत्व संस्कृति स्थापित गर्ने अभियानको नेतृत्व सम्हालेका छन्।
उहाँलाई मतदान गर्नु भनेको –
- संस्था सुदृढ बनाउनु हो,
- सामाजिक उत्तरदायित्वमा निष्ठा देखाउनु हो,
- र समर्पित नेतृत्वलाई समर्थन गर्नु हो।
