गैरआवासीय नेपाली संघ (एनआरएनए) अन्तर्राष्ट्रिय समन्वय परिषद् (ICC) का वरिष्ठ उपाध्यक्ष रोविन शेरचन आज प्रवासी नेपाली समाजमा संयम, स्थायित्व र रणनीतिक नेतृत्वको पर्याय बनेका छन्। जापानमा व्यवसायिक सफलताका साथै सामाजिक उत्तरदायित्व र संघीय नेतृत्वमा पनि उत्तिकै सक्रिय रहँदै आएका शेरचन सबै वर्ग र समुदायलाई जोड्न सक्ने साझा व्यक्तित्वका रूपमा स्थापित भएका छन्।
संगठन सुदृढीकरणमा निर्णायक भूमिका
उनको कार्यकालमा जापानस्थित एनआरएनए अझ सबल र संगठित बनेको छ। नेपाली भाषा र संस्कृति जगेर्ना, श्रमिक समस्या समाधान, विद्यार्थी सहयोग, र स्थानीय जापानी निकायहरूसँग सहकार्यमा उनले अग्रसरता देखाएका छन्।
अन्तर्राष्ट्रिय समन्वय परिषद् भित्र पनि उनले संवाद र सहकार्यलाई प्राथमिकता दिँदै विश्वासको वातावरण सिर्जना गरेका छन्।
नेपाल र नेपालीप्रतिको दीर्घ दृष्टि
शेरचनको नेतृत्व शैली शक्ति प्रदर्शनमा होइन, नीति र समाधानतर्फ केन्द्रित छ। प्रवासी नेपालीहरूको हकहितलाई पहिलो प्राथमिकता दिंदै उनले सरकार, संसद् र नीतिनिर्मातासँग निरन्तर संवाद गर्दै प्रवासी नीति निर्माणमा योगदान पुर्याएका छन्। यसले उनको नेतृत्वलाई अझ स्थायी र दीर्घदृष्टिवादी बनाएको छ।
व्यवसायिक सफलता र सामाजिक जिम्मेवारी
जापानमा उनले होटल, रेस्टुरेन्टदेखि आयात–निर्यात व्यवसायसम्ममा उल्लेखनीय सफलता हासिल गरेका छन्। तर उनको सोच व्यवसायमै सीमित छैन। नेपालीहरूलाई रोजगारी दिने, संकटमा परेकाहरूको उद्धार गर्ने, र आवश्यकतामा सहयोग पुर्याउने उनको मानववादी दृष्टिकोण प्रशंसनीय छ।
संयमित तर दृढ
शेरचनको व्यक्तित्व संयम, स्थायित्व र रणनीतिक सोचको मिश्रण हो। सशक्त संघीय नेतृत्व गर्दै उनले प्रवासी नेपाली समाजमा साझा अभियान, साझा उद्देश्य र साझा भविष्य निर्माण गर्ने आधार तय गरेका छन्।
रोविन शेरचन आजको प्रवासी समाजका लागि केवल एक संघीय नेता मात्र होइनन्; उनी साझा नेपाली भावना र समर्पणको प्रतीक हुन्।
