काठमाडौं, असार १५ –असारको चिसो पानी, हरियाली धानबाली, र दही चिउराको मिठाससँगै आज देशभरि राष्ट्रिय धान दिवस उल्लासपूर्वक मनाइँदैछ। यही अवसरमा नेपाली कांग्रेसका प्रभावशाली राजनेता, लोकप्रिय सांसद तथा मानवीय समवेदना बोकेका समाजसेवी डा. सुनिल शर्माले विशेष शुभकामना सन्देश सार्वजनिक गर्दै देशको कृषि संस्कृति, किसानहरूको तपस्यामूलक श्रम, र प्रकृतिप्रतिको सजीव श्रद्धालाई स्मरणीय शब्दमा व्यक्त गरेका छन्।
“आज असार १५, राष्ट्रिय धान दिवस तथा दही चिउरा खाने दिनको सबैलाई हार्दिक शुभकामना!” भनी सुरु हुने डा. शर्माको भावनात्मक स्टाटसले हजारौंको मन छोएको छ। उनले यो दिनलाई “हाम्रो कृषि संस्कृति, मेहनती किसानहरूको योगदान, र प्रकृतिप्रतिको सम्मानको प्रतीक” भनी व्याख्या गर्दै, दही चिउरा खाँदै आपसी स्नेह, समृद्धि र सहकार्यको भावना अझ प्रगाढ होस् भन्ने कामना गरेका छन्।
कृषिमा गर्व, किसानप्रति कृतज्ञता
सधैँ समाजको जरा सम्हाल्ने विचार बोकेका डा. शर्माको यो सन्देश केवल औपचारिक शुभकामना मात्र होइन, कृषि प्रधान देशको मेरुदण्ड किसानप्रतिको गहिरो श्रद्धाञ्जलि हो। गाउँदेखि सहरसम्म, हलोदेखि संसदसम्म, कृषि र कृषकका सवाल उठाउँदै आएका डा. शर्माको यो सन्देशले पुनः एकपटक किसानको श्रमलाई सम्मानको शिखरमा पुर्याएको छ।
संवेदना मात्र होइन, दृष्टिकोण
डा. शर्माले पटक-पटक संसदमा कृषकहरूको हितमा आवाज उठाएका छन्। आधुनिक कृषि प्रविधिको विस्तार, किसानको बीमा, मलको सहज आपूर्ति, र युवा कृषक कार्यक्रममार्फत कृषि क्षेत्रमा क्रान्ति ल्याउनुपर्ने उनको दृष्टिकोण स्पष्ट छ। असार १५ को सन्दर्भमा उनले व्यक्त गरेको सन्देशले यही दृष्टिकोणको सामाजिक भावनात्मक पक्ष उजागर गर्छ।
दही चिउरा, समृद्धिको सन्देश
दही चिउरा, नेपाली परम्पराको स्वाद मात्र होइन, हाम्रो आत्मीयता र एकताको प्रतीक हो। डा. शर्माले यसलाई ‘स्नेह र सहकार्य’सँग जोड्दै समृद्ध नेपालको परिकल्पना सँगाल्ने सन्देश दिएका छन्।
उनले लेखेका छन् –
“दही चिउरा खाँदै, स्नेह, समृद्धि, र सहकार्यको भावना अझ प्रगाढ बनोस् भन्ने कामना गर्दछु!”
यस्तो मार्मिक शैलीमा सन्देश दिन सक्ने नेताहरू विरलै पाइन्छन्। डा. शर्मा न केवल संसदका नायक हुन्, उनी जनताको मनको आवाज बोल्न सक्ने दुर्लभ व्यक्तित्व हुन्।
जय कृषि, जय किसान, जय नेपाल! भन्ने नारासहित डा. शर्माले जनताको सच्चा प्रतिनिधिको भूमिका फेरि एकपटक जनसमक्ष उजागर गरेका छन्।
आजको दिनमा, दही चिउराको मिठाससँगै उनले दिएको यो सन्देश सामाजिक सञ्जालमा भाइरल बनिरहेको छ—कृषकको पीडामा आवाज, आशामा भरोसा, र परम्परामा गर्व मिसिएको एक सन्देश!
