काठमाडौं, नेपाल — नेपालको शैक्षिक, सामाजिक र राजनीतिक क्षेत्रमा एउटा छुट्टै पहिचान बनाएका नाम हुन् — कर्ण बहादुर शाही। शिक्षाबाट सुरु भएको उनको सेवाको यात्रा अहिले राष्ट्रको समृद्धिको रणनीति निर्माणतर्फ केन्द्रित छ। राष्ट्रिय प्रजातन्त्र पार्टी (राप्रपा) भित्र एक सशक्त राष्ट्रवादी, स्पष्टवक्ता, जनताको बीचमा घुलमिल हुने नेता र युवा प्रेरणाका रूपमा उनी उदाउँदै गएका छन्।
‘रोजगारी सिर्जना र राष्ट्रिय पुनर्जागरण’ भन्ने मूल मन्त्रमा अडिग शाही आज नेपालभर युवाहरुको आशाको केन्द्र बनेका छन्। राजनीतिक घोषणापत्र मात्रै होइन, उनले जीवन्त कार्यदिशा प्रस्तुत गरेका छन्। शिक्षा, रोजगारी, राष्ट्रप्रेम र समृद्धिको मिश्रण उनका प्रत्येक विचार र काममा स्पष्ट देखिन्छ।
शिक्षाबाट शुरू भएको राष्ट्रसेवा: हजारौंलाई उज्यालोको बाटो देखाउने कार्य
कर्ण बहादुर शाहीले कुनै राजनीतिक भाषण गरेर होइन, देश विकासको लागि विद्यालय स्थापना गरेर आफ्नो राष्ट्रप्रेमको यात्रा थाले। ग्रामीण भेगमा गुणस्तरीय शिक्षा नपाएर पछाडि परिरहेका बालबालिकालाई केन्द्रमा राख्दै उनले दर्जनौं शैक्षिक संस्था सञ्चालन गरे। उनका शैक्षिक संस्थाहरुमा हजारौं विद्यार्थीले गुणस्तरयुक्त शिक्षाको अवसर पाएका छन्।
बिद्यालय भवन मात्रै होइन, उनले शैक्षिक दर्शन, शिक्षक उत्पादन र आधुनिक प्रविधि शिक्षा क्षेत्रमा लागू गरेर नीतिगत नेतृत्व पनि दिएका छन्। उनी भन्छन्, “राष्ट्र बलियो चाहिन्छ भने शिक्षित पुस्ता आवश्यक पर्छ।” उनका संस्थाबाट अध्ययन गरेर विदेशमा उच्च शिक्षा हासिल गर्ने वा स्वदेशमै व्यवसायिक सफलता हासिल गर्ने युवाहरुको संख्या दिन प्रतिदिन बढ्दो छ।
रोजगारी सिर्जना: भाषण होइन, कामबाट नेतृत्व
नेपालको मुख्य चुनौती भनेकै बेरोजगारी हो। हरेक वर्ष लाखौं युवाहरू रोजगारीको खोजीमा विदेश जान बाध्य छन्। तर कर्ण बहादुर शाहीले यो नियतिको अन्त्य गर्नुपर्छ भन्ने सोच राख्दै युवालाई स्वदेशमै आत्मनिर्भर बनाउने ठोस अभियान चलाएका छन्।
शिक्षण संस्थाहरूमार्फत प्राविधिक शिक्षा, व्यवसायिक तालिम र स्वरोजगार प्रवर्द्धन गरी उनले हजारौं युवाहरूलाई रोजगारीमा जोडेका छन्। उनको नेतृत्वमा सञ्चालित तालिम केन्द्रहरुमा कम्प्युटर, बिजुली, सिभिल, कृषि, पशुपालन, होटल व्यवस्थापन लगायतका विषयमा तालिम दिइन्छ। यसरी उत्पादन भएका दक्ष जनशक्तिलाई उनले विभिन्न निजी क्षेत्रसँग जोडेर तिनको भविष्य सुनिश्चित गरेका छन्।
“म नेतृत्व गर्ने भनेको केवल राजनीति गर्न होइन, जनतालाई जीवनशैली परिवर्तन गर्न सक्ने अवसर दिन हो,” उनी भन्छन्।
राजनीतिमा राष्ट्रवादको पुनर्जागरण
कर्ण बहादुर शाहीको राजनीति राप्रपा सँगको सम्बद्धताबाट सुरु भयो। राप्रपाको मूल विचार — राष्ट्र, राष्ट्रिय स्वाभिमान, हिन्दू राष्ट्र र संवैधानिक राजतन्त्रप्रति उनी गहिरो निष्ठा राख्छन्। उनी भन्छन्, “राज्यको संरचना त्यस्तो हुनुपर्छ, जसले न त जनताको पहिचान मेटाओस्, न त हाम्रो सांस्कृतिक जरा।”
उनले राप्रपाको पुरानो शैलीलाई नयाँ जोश र ऊर्जा दिँदै आएका छन्। युवाहरू, बुद्धिजीवी वर्ग र राष्ट्रप्रेमी नागरिकहरूमाझ उनी राप्रपाका सबभन्दा सक्रिय, कर्तव्यनिष्ठ र स्पष्टवक्ता नेताको रूपमा चर्चित छन्।
पार्टीका संगठन विस्तारदेखि लिएर नीतिगत बहससम्म, शाहीको उपस्थिति नदेखिने कुनै सभा हुँदैन। युवाहरूलाई राजनीतिमा ल्याउने, प्रशिक्षित गर्ने र उनीहरूलाई नेतृत्वमा अभ्यस्त बनाउने अभियानमा उनी क्रियाशील छन्।
समाजसेवामा अग्रसरता: विपद् र पीडामा सधैं अगाडि
सामाजिक उत्तरदायित्व कर्ण बहादुर शाहीको जीवनको अभिन्न हिस्सा हो। बाढी, भूकम्प, कोभिड महामारी होस् या कुनै व्यक्तिगत पीडाको अवस्था — उनी सधैं जनताको बीचमा पुग्ने गर्छन्। उनका पहलमा विपद्को समयमा हजारौं परिवारलाई राहत, स्वास्थ्य सेवा, शिक्षा सामग्री, तथा पुनर्निर्माण सहायता उपलब्ध गराइएको छ।
उनी विश्वास गर्छन् कि जनताको दुखमा सहभागी नभई राष्ट्रसेवा अधुरो हुन्छ। शाहीको नेतृत्व शैली यस्तो छ — जहाँ उनले कहिल्यै सुरक्षा घेराभित्र आफूलाई राख्दैनन्।
भीजनरी लिडरशिप: समृद्ध नेपालको बाटो
शाहीको भीजन छ — “रोजगारीयुक्त, शिक्षित, संस्कारी, आधुनिक र स्वाभिमानी नेपाल।” यो केवल नारामा सीमित छैन, उनले यसको स्पष्ट रणनीति बनाइसकेका छन्।
उनका पाँच मूल आधारशिला:
- गुणस्तरीय शिक्षा सबैका लागि सुलभ
- रोजगारी सिर्जना प्रविधिमैत्री तालिम र उद्योगद्वारा
- राष्ट्रवाद र सांस्कृतिक संरक्षण
- सुशासन र भ्रष्टाचारमुक्त राज्य
- कृषि, पर्यटन र सेवा क्षेत्रको पूर्ण व्यावसायीकरण
शाही भन्छन्, “हामीले रणनीतिक परिवर्तन नगरेसम्म नेपाल फेरिँदैन। अब भाषणको समय सकियो, कार्यनीतिमा प्रवेश गर्ने हो।”
जनतासँग नाता: भुईँ तहदेखि नेतृत्वमा उक्लिएका नेता
कर्ण बहादुर शाही कुनै गोटबाजीबाट होइन, भुइँतहबाट नेतृत्वमा आएका नेता हुन्। उनी प्रत्यक्ष जनसंपर्कमा विश्वास गर्छन्। गाउँ–गाउँ, टोल–टोल पुगेर जनताको समस्या सुन्ने, समाधान खोज्ने र तिनलाई नीति निर्माणमा रूपान्तरण गर्ने उनको शैली आम मानिसले रुचाउने गरेका छन्।
उनी सडकमा झुल्किने नेता होइनन् — उनी त त्यही सडकमा जनतासँग सँगै हिड्ने नेता हुन्। उनलाई हेरेर धेरैले भन्न थालेका छन् — “हामीलाई यस्तै नेता चाहिएको थियो।”
आगामी पुस्ताका लागि प्रेरणा: अनुशासन, इमानदारी र राष्ट्रप्रेम
आजको राजनीति आक्रोश, भ्रम र स्वार्थको जालोमा फसेको बेला, कर्ण बहादुर शाहीले वैकल्पिक राजनीति प्रस्तुत गरेका छन्। उनको जीवनशैली, व्यवहार, बोली र कार्यले युवाहरूमा देशप्रेम जागृत गराएको छ।
उनी राजनीति मार्फत कमाउने होइन, राष्ट्र बनाउने सपना बोकेका छन्। भन्छन्, “राजनीति पेशा होइन, सेवा हो। अनि राष्ट्र सेवा भनेको केवल सिंहदरबार जानु होइन, हरेक नेपालीको घरमा उज्यालो पुर्याउनु हो।”
नयाँ युगका लागि नयाँ सोच, कर्ण बहादुर शाहीको नेतृत्वमा सम्भव
नेपाल जस्तो देशलाई साँचो अर्थमा परिवर्तन गर्न विचार, साहस र इमानदारीको संयोजन चाहिन्छ। कर्ण बहादुर शाहीसँग यी सबै गुण छन् — साथै छ राष्ट्रप्रतिको समर्पण र जनताको आशिष।
उनले शिक्षा, रोजगारी, राष्ट्रिय स्वाभिमान र समृद्धिको सपना मात्र देखेका छैनन्, त्यसलाई कार्यान्वयनको यात्रामा रूपान्तरण गरिरहेका छन्। यस्तो नेता बिरलै पाइन्छ — जो राजनीति, व्यवसाय र समाजसेवाको त्रिकोणमा देश निर्माणको अभियान चलाइरहेका छन्।
अबको समय गुटबन्दी, स्वार्थ र शक्ति लिप्साबाट होइन, कर्ण बहादुर शाही जस्ता राष्ट्रवादी, निष्ठावान र भीजनरी नेताबाट परिवर्तन सम्भव छ।राष्ट्र निर्माणका लागि यिनै हातहरु सक्रिय हुन जरुरी छ — किनकि समय बोल्दैछ, “अब नेतृत्व फेरिनु पर्छ।”
