काठमाडौं, असार ८ —नेपालको प्रतिष्ठित बैंक नबिल बैंकका वर्तमान प्रमुख कार्यकारी अधिकृत (CEO) मनोज ज्ञवालीले संस्थाका पूर्व CEO अनिल केशरी शाहसँगको आत्मीय भेटपछि सामाजिक सञ्जालमा एक भावुक स्टाटस लेख्दै आफ्नो कृतज्ञता र प्रतिबद्धता प्रकट गरेका छन्।
“उहाँ मलाई भेट्न खुसी अनुहार लिएर आउनुभयो,” ज्ञवालीले लेखेका छन्, “पाँच वर्ष अघि मलाई अन्तर्वार्ता लिएको त्यो क्षण सम्झिएँ — उहाँले सँधै मेरो आत्मविश्वास बढाइदिनुभयो, सदैव सकारात्मक सोचका साथ मार्गदर्शन गर्नुभयो। म उहाँको विश्वास, mentorship र शुभेच्छाका लागि आभारी छु। उहाँको अपेक्षालाई पूरा गर्न म सम्पूर्ण प्रयास गर्ने वाचा गर्दछु। धन्यवाद दाइ, निरन्तर प्रेरणा दिइरहनुहोस्।”
यो सन्देश सामाजिक सञ्जालमा भाइरल बनिरहेको छ, जसमा नयाँ नेतृत्वको लागि पूर्व नेतृत्वको समर्थन र समर्पणको भाव झल्किन्छ। अनिल केशरी शाहले पनि उक्त स्टाटसलाई सेयर गर्दै उत्तरस्वरूप लेखेका छन्:
“म विश्वस्त छु कि नबिल बैंक तपाईको सक्षम नेतृत्वमा अब अभूतपूर्व सफलताको उचाइमा पुग्नेछ। एक transformational leader त्यो हो, जसले अनुयायी होइन, आफुभन्दा पनि उत्कृष्ट नेताहरू निर्माण गर्छ। त्यसैले आज तपाईलाई नबिल बैंकको CEO को रूपमा देखेर म अत्यन्त खुशी छु। भविष्यमा तपाईको नेतृत्वमा बैंक अझ उचाइमा पुग्नेछ भन्ने कुरामा मलाई पूर्ण विश्वास छ। बधाई छ, दाजु — शुभकामना!”
नेतृत्व हस्तान्तरणको यस दुर्लभ उदाहरणले नेपाली वित्तीय क्षेत्रको संस्थागत निरन्तरता र सहकार्यको उच्चतम स्तरलाई देखाएको छ। मनोज ज्ञवाली अहिले नबिल बैंकको CEO का रूपमा कार्यरत छन् भने अनिल केशरी शाह बैंकिङ क्षेत्रको चर्चित व्यक्तित्वका रूपमा प्रेरणादायी भूमिकामा क्रियाशील छन्।
यी दुई अग्रणी व्यक्तित्वबीचको यो संवादले नेपाली पेशागत संस्कृतिमा पारदर्शिता, मार्गदर्शन र निरन्तर सशक्तिकरणको सन्देश फैलाएको छ।
