🛑 BREAKING NEWS 🛑 हेलिकप्टरबाट दुई जीवनको ऐतिहासिक उद्धार: नेतृत्त्वमा चम्किए जगदीश्वर नरसिंह केसी, रसुवा–नुवाकोट–चीन सिमाना: प्राकृतिक विपत्तिमा मानवीय नेतृत्वको उदाहरण

National News

Home
News
🛑 BREAKING NEWS 🛑 हेलिकप्टरबाट दुई जीवनको ऐतिहासिक उद्धार: नेतृत्त्वमा चम्किए जगदीश्वर नरसिंह केसी, रसुवा–नुवाकोट–चीन सिमाना: प्राकृतिक विपत्तिमा मानवीय नेतृत्वको उदाहरण

🛑 BREAKING NEWS 🛑 हेलिकप्टरबाट दुई जीवनको ऐतिहासिक उद्धार: नेतृत्त्वमा चम्किए जगदीश्वर नरसिंह केसी, रसुवा–नुवाकोट–चीन सिमाना: प्राकृतिक विपत्तिमा मानवीय नेतृत्वको उदाहरण

एस नेपाल न्युज संवाददाता

४ घण्टा अगाडी

विदुर, नुवाकोट / असार २३ –देशका दुई संवेदनशील भेगमा एकैपटक घटेका संकटपूर्ण घटनाहरूले जनताको मन हल्लायो, तर यिनै घटनाहरूमा नेपाली कांग्रेसका प्रभावशाली नेता तथा संविधानसभा सदस्य जगदीश्वर नरसिंह केसीको सक्रिय सहयोग र पहलले ‘असहायको आशा’ बन्ने उदाहरण प्रस्तुत गर्यो।

विदुरमा ५ घण्टाको संघर्षपछि हेलिकप्टरबाट दुई जनाको नाटकीय उद्धार!

विदुर नगरपालिका वडा नं. १ मा आज बिहानैदेखि २ जना व्यक्ति रुखमा चढेर ५ घण्टा अलपत्र अवस्थामा थिए। घटनाको जानकारी फैलिनासाथ सम्पूर्ण जिल्ला स्तब्ध बन्यो। तर संकटको मोडमा आशाको किरण बनेर उदाए नेता केसी।

उनको नेतृत्वमा सक्रिय ‘नेपाली सोना’ उद्धार टोलीले तत्काल हेलिकप्टरमार्फत उद्धारको तयारी थाल्यो।

५ घण्टाको उच्चस्तरीय रणनीतिक समन्वयपछि सफल उद्धार!

हजारौंको उपस्थितिमा सञ्चालित यस साहसी अभियानले मानव जीवनको मूल्य र नेतृत्वको तत्परता दुवै प्रमाणित गर्यो।

हेलिकप्टरमार्फत सुरक्षित रूपमा ती दुई जनाको जीवन जोगाइनु, नुवाकोटको इतिहासमै पहिलो पटक भएको सफल उद्धार घटनाका रूपमा दर्ज भएको छ।

रसुवाको लेन्देखोलामा बाढी: मितेरी पुल बगायो, दुई नागरिकको सेना मार्फत उद्दार

उता, रसुवा–चीन सिमानास्थित लेन्देखोलामा आएको भीषण बाढीले नेपाल–चीन जोड्ने मितेरी पुल पूर्णरूपमा बगाएको खबरले देशलाई स्तब्ध तुल्यायो।

बाढीको चपेटामा परेका नुवाकोट किस्पाङ गाउँपालिका–४ का मङ्गलि तामाङ र पाल्तेन तामाङलाई नेपाली सेनाको हेलिकप्टरमार्फत सफलतापूर्वक उद्दार गरिएको छ।

नेता केसीले दिए नेपाली सेना, सिडिओ र सबै उद्धार सहयोगीलाई विशेष धन्यवाद

नेता केसीले उक्त दुःखद परिस्थितिमा सहकार्य र तत्परताका साथ खटिएका नेपाली सेना, प्रमुख जिल्ला अधिकारी (सिडिओ), स्थानीय प्रशासन, र सम्पूर्ण उद्धार टोलिप्रति विशेष धन्यवाद प्रकट गरेका छन्।

उहाँले भने,

“संकटकालीन घडीमा सम्पूर्ण संयन्त्रले देखाएको समन्वय र संवेदनशीलता प्रशंसनीय छ। यो सहकार्यको भावना नै हामी नेपालीको शक्ति हो।”

स्थानीयले गरे प्रशंसा: ‘नेता होइन यो त देवता!’

विदुरको घटनास्थलमा उपस्थित स्थानीयले भावुक हुँदै भने —

“हेलिकप्टरमै मान्छे बचाउने नेता हामीले पहिलो पटक देख्यौं। जगदीश्वर केसी नुवाकोट मात्र होइन, देशकै शान हुन्।”

देश संक्रमणमा गुज्रिँदा, संकटको घडीमा देखिएको नेता केसीको मानवीय संवेदना, निर्णय क्षमता र तत्परता ले जनसेवाको उदाहरणीय परिभाषा पुनः पुष्टि गरेको छ।

प्रकाशित मिति: ४ घण्टा अगाडी

प्रतिक्रिया दिनुहोस्