काठमाण्डौ, खुमलटार – नेपाल र जापानबीचको सुदृढ सहकार्यको साक्षी बन्न पुगेको एक ऐतिहासिक दिन — Grand Opening Ceremony of Nepal-Japan Healthy Food Outlet आज अत्यन्तै भव्यताका साथ सम्पन्न भएको छ। नेपाल-जापान द्विपक्षीय सम्बन्धमा एउटा नयाँ आयाम थप्दै, Japan International Cooperation Agency (JICA) को नेपालस्थित प्रोजेक्ट कार्यालय, Civil Homes, Khumaltar Height नजिकै, यो अनोठो, अनुपम र अत्यन्तै जनस्वास्थ्यमुखी परियोजनाको शुभारम्भ गरियो।
कार्यक्रमको औपचारिक उद्घाटन ललितपुर महानगरपालिकाकी उपमेयर मञ्जली शाक्य आस्थाले रिबन काटी गरिन्। कार्यक्रममा उपस्थिति जनाउँदै उहाँले भन्नुभयो, “स्वास्थ्य हाम्रो पहिलो सम्पत्ति हो। नेपाल–जापान हेल्दी फुडजस्ता परियोजनालेदीर्घकालीन रूपमा नेपाली जनताको आयु वृद्धि र स्वास्थ्यमा क्रान्ति ल्याउने छ।”
Nepal-Japan Healthy Food Program — स्वस्थ राष्ट्र निर्माणको आत्मा
जाइका अन्तर्गत सञ्चालनमा आएको यो पायलट प्रोजेक्टको जिम्मेवारी सम्हालिरहनु भएकी Nepal Japan Healthy Food Program की इनचार्ज सुनीता केसी लगायत जाइका टिम, स्थानीय नेतागण, स्वास्थ्यकर्मी, पत्रकार र सामान्य उपभोक्ताहरूको उल्लेखनीय उपस्थिति कार्यक्रममा देखिन्थ्यो। सहभागीहरूले पसलबाट स्वस्थ तरकारी तथा खाध्य प्रदार्थहरु, परिक्षण पास भएका खाद्य सामग्री किनेर लिएर गएका थिए।
उक्त शुभारम्भ समारोहमा विशेष उपस्थित रहेको एसनेपाल न्यूजका अध्यक्ष तथा प्रखर पत्रकार एचबी ताम्राकारले कार्यक्रमको प्रचारप्रसार तथा जनचेतनामा विशेष भूमिका निर्वाह गरेकामा प्रोजेक्ट म्यानेजर राजन कुमार पौडेलले खुलेर धन्यवाद व्यक्त गरे।
उनले भावुक हुँदै भने, “नेपालको पत्रकारिता क्षेत्रमा एचबी ताम्राकारजस्तो संवेदनशील र इमानदार व्यक्तित्व पाउनु हामीजस्तापरियोजनाको लागि भाग्यको कुरा हो।”
विषादीयुक्त भोजन = क्यान्सरको खतरनाक सन्त्रास!
JICA को विस्तृत अनुसन्धानबाट एकदमै चिन्ताजनक तथ्य उजागर भएको छ। नेपालभरि उपलब्ध खाद्य सामग्री, विशेषतः तरकारी, फलफूल र खानेतेलमा अत्यधिक मात्रामा विषादी प्रयोग भइरहेको छ, जसले क्यान्सरजस्ता घातक रोगहरूलाई जन्म दिइरहेको छ।
विशेष उदाहरणस्वरूप, 2019-2022 बीचमा गरिएको अनुसन्धन अनुसार:
• भाटभटेनी, बिगमार्ट, सेल्सबेरी जस्ता ठूलो सञ्जालबाट विक्री हुने खानेतेलहरूमा युरिक एसिडको मात्रा 46 देखि 56 सम्म पाइयो, जुन जापानमा मान्य अधिकतम मात्रा 0.6 भन्दा १०० गुणा बढी हो!
• यस्तो तेल जापानमा त जानवरलाई पनि खुवाउन नदिइने स्थिति रहेको डाक्टरहरूको निष्कर्ष थियो।
• तरकारी र फलफूलमा अत्यधिक Pesticides (विषादी) को प्रयोगले गर्भपतन, बाँझोपन, क्यान्सर, पेटको रोग, कलेजो बिग्रिने, मानसिक समस्या जस्ता रोगहरूको दर उच्च देखिएको छ।
Nepal-Japan Healthy Food: समाधानको सूत्र!
स्वास्थ्यप्रति उच्च प्राथमिकता राख्दै, JICA ले यस्तो समस्याको समाधानस्वरूप Nepal-Japan Healthy Food (NJHF)ब्राण्डमा आधारित Healthy Food Outlet स्थापना गरेको हो। यो आउटलेटमा:
✅ विषादीरहित, परिक्षण-पास गरिएको तरकारी, दल, चामल, फलफूल
✅ उच्च पहाडी क्षेत्र (हिमाल) बाट आयातित अर्गानिक सामग्री
✅ स्वदेशमै उत्पादन भएको तर ट्रेस गरिने सिस्टम सहितको हेल्दी फुड
✅ जापानको स्वास्थ्य मापदण्ड अनुसार छनौट गरिएका सामग्रीहरू
विशेष उल्लेखनीय कुरा, यो पसल लाभमुखी छैन! कृषकबाट सिधा किनेको मूल्यमा यातायात र व्यवस्थापन खर्च मात्र जोडेर मूल्य निर्धारण गरिएको छ।
जापानी मापदण्डमा नेपाली स्वास्थ्यको रक्षा!
प्रोजेक्ट म्यानेजर राजन कुमार पौडेलले बताउनुभयो, “यो कार्यक्रम नाफाका लागि होइन, नेपाली जनताको स्वास्थ्यका लागि हो।हामी कृषि प्रविधिका नेपाली विशेषज्ञहरूको निगरानीमा उच्च गुणस्तरका उत्पादनहरू मात्र यहाँ राख्नेछौं। उपभोक्ताको सुझाबअनुसार जापानबाट केही अनौठा तर स्वस्थ सामग्रीहरू पनि ल्याउनेछौं।”
कार्यक्रममा सहभागी भएका जापानी प्रतिनिधिहरूले समेत यो कार्यलाई “Nepal’s future in food revolution” भनेर व्याख्या गरे।
सर्वसाधारणको उत्साहजनक सहभागिता
स्थानीय बासिन्दाहरू, बुद्धिजीवी वर्ग, कृषक प्रतिनिधिहरू, युवाहरूको उल्लेखनीय सहभागिता कार्यक्रमको शान नै बन्यो। धेरैले कार्यक्रमपछि सोधेका थिए: “हाम्रो टोलमा पनि कहिले आउँछ यस्तो पसल?”
निष्कर्ष – स्वास्थ्यलाई अब बेवास्ता गर्ने बेला होइन!
नेपालको कृषि, स्वास्थ्य, बजार सबैमा क्रान्ति ल्याउने सम्भावना बोकेको यो Nepal-Japan Healthy Food Outlet अब साधारण पसल होइन, सचेतनाको केन्द्र बन्नेछ।
“बिषादीयुक्त खाध्य पदार्थको बहिष्कार गरौं, स्वस्थ जीवनको सुरुवात गरौं!”
स्मरण रहोस्, एउटा स्वस्थ राष्ट्र बनाउन हजारौं अस्पताल होइन, हजारौं स्वस्थ उत्पादन र सचेत नागरिक चाहिन्छ।
