काठमाडौं, जेठ ९– बहुप्रतिक्षित रवि लामिछाने प्रकरणमा आज निर्णायक दिन! राष्ट्रिय स्वतन्त्र पार्टी (रास्वपा) का सभापति लामिछानेको तर्फबाट दायर गरिएको बन्दीप्रत्यक्षीकरण रिटमा आजै सर्वोच्च अदालतले आदेश सुनाउँदैछ।
शुक्रबार दिउँसो खाजा समयअघि नै मुद्दाको सुनुवाइ सकिएको थियो। अब अदालतभित्र ढोका बन्द छ – न्यायाधीश नहकुल सुवेदी र बालकृष्ण ढकाल संयुक्त इजलासमा आदेश लेखनमा तल्लीन छन्।
भित्र फैसला लेखिँदैछ, बाहिर जनता चिच्याइरहेका छन्
सर्वोच्च अदालतको बाहिर रवि लामिछानेका हजारौँ समर्थकहरू उभिएका छन्। “रवि निर्दोष छन्”, “राजनीतिक षड्यन्त्रको शिकार” भन्दै नाराहरू गुञ्जिएका छन्। केहीले पोस्टर बोकेका छन्, केहीले रविको फोटो अंकित टिसर्ट। अदालत परिसर स-साना झुण्ड र चर्चाले गुञ्जिएको छ।
सर्वोच्चको आजको निर्णयले देश हल्लाउनेछ
यो मुद्दा सामान्य छैन – यो रवि लामिछानेको मात्र हैन, सम्पूर्ण राजनीतिक तहमा प्रभाव पार्ने फैसला बन्न लागेको छ। कारण? यो मुद्दा हो: सहकारी ठगी जस्तो संवेदनशील अपराधमा संलग्नताको आरोप, राजनीतिक व्यक्ति विरुद्ध बन्दीप्रत्यक्षीकरण रिट, अनि नागरिकको मौलिक हकसँग जोडिएको बहस।
कसरी शुरू भयो यो प्रकरण?
रास्वपा अध्यक्ष लामिछानेलाई बुटवलस्थित सुप्रिम सहकारी ठगी प्रकरणमा संलग्न भएको आरोपमा प्रहरीले पक्राउ गरेको थियो। लामिछानेको नाम सो सहकारीको निर्णय प्रक्रियामा संलग्न रहेको दावी गरिएको छ।
पक्राउपछि लामिछानेकी पत्नी निकिता पौडेल सर्वोच्च पुगेकी थिइन्। उनले गैरकानूनी रूपमा थुनामा राखिएको भन्दै बन्दीप्रत्यक्षीकरणको रिट दायर गरेकी थिइन्। रिटको सुनुवाइ आज सकिएसँगै फैसला लेखिँदैछ।
छविलाल जोशी पनि छन् मुद्दाको घेरामा
पूर्वडीआईजी छविलाल जोशी पनि यसै प्रकरणमा मुछिएका छन्। उनीमाथि सहकारी रकम हिनामिनामा प्रत्यक्ष संलग्नताको आरोप छ। जोशी पनि आजैको आदेश पर्खिरहेका छन्।
न्यायाधीशले अरु सबै मुद्दा स्थगित गरे, रविको आदेश प्राथमिकतामा
आजको सुनुवाइपछि न्यायाधीशद्वयले अरु सबै मुद्दा स्थगित गर्दै लामिछाने-जोशी प्रकरणलाई प्राथमिकतामा राखेका छन्। अदालतको स्रोतअनुसार आदेशको मसौदा लेखन अन्तिम चरणमा पुगेको छ।
देशभरिको नजर सर्वोच्चतिर
सामाजिक सञ्जाल, युट्युब लाइभ र मिडिया रिपोर्टरहरूका लागि सर्वोच्च अदालत अहिले नै “हटस्पट” बनेको छ। मानिसहरू मोबाइल टकटकाइरहेका छन् – “रवि छुट्लान्?”, “राजनीतिक षड्यन्त्र हो कि कानुनी कारबाही?” भन्ने बहस देशभर चर्किएको छ।
अबको केही घण्टा: निर्णायक!
रवि लामिछाने निर्दोष ठहर भए भने उनको राजनीतिक पुनरागमन झनै शक्तिशाली हुनेछ। दोषी ठहरिए जेल, रास्वपामा संकट, र देशको राजनीतिक गतिशीलता फेरिने सम्भावना छ।
